XX. mendeko Euskararen Corpus estatistikoa
Testuingurua
Sapatu gabeko amarretan juan ziran Zugatza-aitta'ren azpira Agaton eta Amele, dirubakaz; Agaton'ek jarri ebazan dirubak lurpian irazkijak ziñuban lez, ta gabeko amaiketan echeratu zan, Amele bakar-bakarrik toki itzal atan ichita.
Zerura begira eskarijak egitten jarraitu eban Amele'k gaberdirarte: gerochubago entzun eban zerbaitten zaratea, ta aurkestu ziran beragana lau gixon iskilluakaz, ta erderaz, gastelarren berbetan, ittandu eutsen Amele'ri: - ¿Nor zara?.
- Ni zeuben irazkija artu nebana.
- ¿Zu zara Amele gugaz daguan gixonaren emastia?.
- Bai jauna.
- ¿Arri onen azpijan dagoz dirubak? - Bai jauna.
- Dirubak emen ipiñi ezkero etzenduban zetan egon emen bakarrik gau illunian .
- Bilddur ixan naz dirubok bakarrik isten.
- Egija, ondo egin dozu.
Atara ebezan dirubak lurpetik; ixetu eben argija, argi-ontzi baten, eta zeinbatu ebezan dirubak: eurak ekarri ebezan lau zorrotan sartu, ta sorbalda ganietan jarririk, esaeutsen Amele'ri: - Eskerrik asko, ondo bete dozulako irazkiko agimena: senarra bijar eguberdirako echeratuko jatzu.
Echeratu zaitte orain eta egon zaitte ardura barik.